18

 ഡമാസ്കസ്: സിറിയൻ വ്യോമതാവളത്തിൽ ഇസ്രേലി ആക്രമണം. ഇഡ്‌ലിബ് പ്രവിശ്യയിലെ അബു ദുഹുർ വിമാത്താവളത്തിൽ ചൊവ്വാഴ്ച പുലർച്ചെ എട്ടു തവണ വ്യോമാക്രണം ഉണ്ടായി. റൺവേയ്ക്കു നേർക്കായിരുന്നു ആക്രമണം. ആളപായമില്ല.
ആക്രമണത്തെക്കുറിച്ച് പ്രതികരിക്കാൻ ഇസ്രേലി സേന തയാറായില്ല.
സിറിയൻ അഭ്യന്തരയുദ്ധത്തിൽ പ്രവർത്തനരഹിതമായ വ്യോമതാളവത്തിൽ അടുത്തകാലത്ത് വിദേശ പോരാളികൾ താമസിച്ചിരുന്നുവെന്നാണ് റിപ്പോർട്ട്. അടുത്തകാലത്ത് ഇവരെ പുറത്താക്കി.
സിറിയയിലെ അഹമ്മദ് അൽ ഷാര സർക്കാരിനെ പിന്തുണയ്ക്കുന്ന തുർക്കി ഈ വ്യോമതാവളം പുനരുദ്ധരിക്കാനുള്ള ശ്രമത്തിലായിരുന്നു. ഇസ്രേലി ആക്രമണത്തെക്കുറിച്ച് തുർക്കിയും പ്രതികരിക്കാൻ തയാറായില്ല.